⚙️

WE'LL BE BACK SOON!

Our Website Is Under Maintenance

We are currently improving our website to provide you with a better experience. Our team is working hard to bring everything back online as soon as possible.

Thank you for your patience and understanding.

Need Assistance?
Please contact our support team. Call - 03614550581 / +91- 9707699927
ISHAN NEWS
অসম আৰু উত্তৰ-পূব ৰ প্ৰতিটো খবৰ
এতিয়া একেলগে
বিজ্ঞাপনৰ বাবে যোগাযোগ কৰক
☎ 9707699927
ব্ৰেকিং নিউজ
Loading latest updates...

দেশ ৰক্ষা কৰা জোৱানৰ নিজৰ ৰাজ্যতেই নাই নিৰাপত্তা! বনভোজৰ পৰা ঘূৰি অহা যুৱকৰ আক্ৰমণত নিহত সেনা জোৱান

 



ছুটীত ঘৰলৈ উভতাৰ পথতে মিজোৰামৰ ক'লাচিবত সংঘটিত ঘটনাত প্ৰাণ হেৰুৱালে অসম ৰেজিমেণ্টৰ জোৱান জাকাৰিয়া লালহ্ৰিয়াতলুৱাংগাই

ক'লাচিব: জম্মু-কাশ্মীৰত কৰ্তব্য পালন কৰি ছুটীত নিজগৃহলৈ উভতি অহাৰ পথতে মিজোৰামৰ ক'লাচিবত এক ভয়ংকৰ ঘটনাত প্ৰাণ হেৰুৱালে ২৯ বছৰীয়া সেনা জোৱান জাকাৰিয়া লালহ্ৰিয়াতলুৱাংগাই। অভিযোগ অনুসৰি, যান-বাহনক লৈ হোৱা সামান্য বিতৰ্কৰ পাছত বনভোজৰ পৰা উভতি অহা একাংশ যুৱকে তেওঁলোকক আক্ৰমণ কৰে।

ঘটনাটো সংঘটিত হয় যোৱা ২০ ছেপ্টেম্বৰৰ সন্ধিয়া। জানিব পৰা মতে, লেংপুই বিমানবন্দৰৰ পৰা এখন ট্ৰাকেৰে নিজ গাঁও নিউ বুইলুমলৈ গৈ আছিল জাকাৰিয়া। তেওঁৰ সৈতে আছিল বন্ধু জন লালটানপুইয়া।

জাকাৰিয়াৰ মাতৃ লালথাজোৱীয়ে সংবাদ মাধ্যমক জানিবলৈ দিয়া অনুসৰি, বুয়ালপুইত চাহ খাবলৈ ৰোৱাৰ পাছত দুয়োজনে পুনৰ যাত্ৰা আৰম্ভ কৰে। বেয়া পথৰ বাবে বিপৰীত দিশৰ পৰা অহা এখন ট্ৰাকৰ সৈতে তেওঁলোকৰ মুখামুখি হয়। সেই সময়ত জনে ট্ৰাকখন ৰ'বলৈ কোৱাৰ পাছতে পৰিস্থিতিৰ অৱনতি ঘটে বুলি জানিব পৰা গৈছে।

প্ৰত্যক্ষদৰ্শীৰ মতে, কাৱনপুই চহৰৰ এটা হকী দলৰ প্ৰায় ২০ জনীয়া যুৱকৰ এটা দল পিক-আপ ভানত ঘটনাস্থলীত উপস্থিত হয়। থিংডাউলৰ সমীপৰ এখন বনভোজস্থলীৰ পৰা উভতি অহা দলটো সুৰাসক্ত অৱস্থাত আছিল বুলি অভিযোগ উঠিছে।

অভিযোগ অনুসৰি, যুৱকৰ দলটোৱে জনক বাহনৰ পৰা টানি উলিয়াই প্ৰহাৰ কৰিবলৈ আৰম্ভ কৰে। পৰিস্থিতি নিয়ন্ত্ৰণ কৰিবলৈ জাকাৰিয়াই আগবাঢ়ি অহাত তেওঁকো আক্ৰমণ কৰা হয়। ঘটনাস্থলীত উপস্থিত হোৱা আন এজন বন্ধু লালচাৱিলিয়ানাকো প্ৰহাৰ কৰা বুলি জানিব পৰা গৈছে।

এই আক্ৰমণৰ ফলত জাকাৰিয়া লালহ্ৰিয়াতলুৱাংগাই ঘটনাস্থলীতে প্ৰাণ হেৰুৱায়। আনহাতে, তেওঁৰ বন্ধু জন লালটানপুইয়া সামান্যভাৱে আঘাতপ্ৰাপ্ত হোৱা বুলি জানিব পৰা গৈছে।

২০১৭ চনত অসম ৰেজিমেণ্টত যোগদান

২০১৭ চনত অসম ৰেজিমেণ্টত যোগদান কৰা জাকাৰিয়া শ্ৰীনগৰত কৰ্মৰত আছিল। পাঁচগৰাকী ভাতৃ-ভগ্নীৰ মাজত দ্বিতীয় কনিষ্ঠ জাকাৰিয়া পৰিয়ালটোৰ অন্যতম মুখ্য উপাৰ্জনকাৰী আছিল।

তেওঁৰ ৬০ বছৰীয়া মাতৃ লালথাজোৱী আৰু ৮০ বছৰীয়া পিতৃ ভি এল ডুৱাইলোভা বৃদ্ধাৱস্থাৰ বাবে উপাৰ্জন কৰিবলৈ সক্ষম নহয়। কনিষ্ঠ ভাতৃ ষ্টিফেন লালৰিংঘেটাই দিনহাজিৰা কৰি পৰিয়ালটোক সহায় কৰে। জ্যেষ্ঠ ভাতৃ আৰু ভগ্নী নিজ নিজ পৰিয়ালৰ সৈতে পৃথকে থাকে।

মাতৃয়ে জানিবলৈ দিয়া মতে, ঘৰ নিৰ্মাণৰ বাবে জাকাৰিয়াই ঋণো লৈছিল। তেওঁৰ আকস্মিক মৃত্যুৰ ফলত পৰিয়ালটো গভীৰ সংকটৰ সন্মুখীন হৈছে।

ঘৰ পোৱাৰ কথা আছিল সন্ধিয়া

ঘটনাৰ কিছু সময় পূৰ্বে জাকাৰিয়াই মাতৃলৈ ফোন কৰি সন্ধিয়া প্ৰায় ৬.৩০ বজাত ঘৰ পাব বুলি জনাইছিল। নিৰ্ধাৰিত সময়ত ঘৰ নোপোৱাত পৰিয়ালৰ লোকে পুনৰ ফোন কৰে। তেতিয়া জাকাৰিয়াই বেয়া পথৰ বাবে কিছু পলম হোৱা বুলি জনাইছিল।

কিন্তু তাৰ কিছু সময়ৰ পাছতেই বন্ধু লালচাৱিলিয়াই পৰিয়ালটোক জাকাৰিয়াৰ মৃত্যুৰ মৰ্মান্তিক খবৰ দিয়ে।

ঘটনাটোক কেন্দ্ৰ কৰি অঞ্চলটোত শোকৰ ছাঁ পৰিছে। ঘটনাটোৰ সন্দৰ্ভত আৰক্ষীৰ তদন্ত আৰু আইনী ব্যৱস্থাৰ বিষয়ে অধিক তথ্য পোহৰলৈ অহালৈ অপেক্ষা কৰা হৈছে।